Peqqinnissaqarfipput angerlaannikuuarput, Demokraatiniillu isumaqanngilagut angerlaannikuusagut Danmarkimut uterteqqissagigut. Peqqinnissaqarfitsinnili arlalitsigut suleqatigiinnerunissarput pingaaruteqarpoq. Tassani minnerunngitsumik peqqinnissatigut sulilersitsiniaasarneq unammillernangaaqisoq samisariaqarparput. Maannakkut fast-track aaqqissuussaq siunertamisut atuutinngilaq. Demokraatit danskit allaffisornikkut kinguaattooruteqarfigisanngisaanik aaqqissuussamik nutaamik kissaateqarniarpoq. Green-Card-mik ateqassaaq, sulilersitsiniaasarnikkut ajornanngillisaanernik imaqartussaq.
Taassuma avataasigut isertugaataanngilaq ikiorsiisarnerit tamarmik Kalaallit Nunaanni suliarisinnaannginnatsigit. Tamanna tunngavigalugu nakorsiartut ikiorserneqassallutik Danmarkimut nassiunneqartarput. Demokraatinut pingaartuuvoq Kalaallit Nunaat nakorsiallu kalaaliusut danskit innuttaasuisa assinganik sullinneqartarnissaat. Utaqqinsarnermut aammalu nakorsiat ikiorserneqarnissaanik Kalaallit Nunaata Danmarkimut akiliutigisartagaanut naleqqussagaanissaa eqqarsaatigalugu.